Halló bambó og félagar.
Gamli Doddinn er að fara að blogga aðeins í mömmu bloggi.hhhhahahahhahahahahaahh Faceen hér er Brandari sem lífgar ykkur upp hhhhhhhhhhhiiihihi oki Einu sinni var strákur sém var ofsa Feitur og hét Óli Borgar hann borðaði MIKIÐ Súkulaði !!!!!!! enn hann var alltaf mað vinni sínum Bjössu bollu sem var líka Feitur sko en allti lagi þeir voru út í búð og sögðu svo við 2 ætlum að fá Prins Póló ! oki sagði afgreiðslukonan svo sagði hún þá eru þetta 500 krónur en þá sagði Bjössi Bolla og hló Óli Borgar hahahhahaahahahahahaaahhaaah og hann borgaði og var reiður og sagði þú færð ekkert haahahahaha og hljóp í burtu en þetta var að hlaupa hjá honum en Labba hjá okkur ! en Bjössi Bolla náði honum og sagði gjémmer Prins póloið mitt og þá byrjaði það feitabolluslagurinn en bjössi datt og fékk hjartaáfallllllllll Shit sagði hinn Bollan og fékk sér bita ogv Hló Múhahahhah en svo sprakk hann hann var svo Fat og þeir fór til himna í fiubolluLand. ps þetta var sagan af Prins póló slagnum ps blogga og commmmmentA.

Það skyldi þó ekki einhverjum hafa dottið í hug að ég væri hætt að blogga. O aldeilis ekki
Gott ef það fara ekki að ryðjast hér inn bloggfærslur hver annarri merkilegri.

Ég er í tannféshugleiðingum. Var svo lánsöm að finna fyrstu tönnina hennar Herdísar Örnu frænku minnar og varð himinlifandi. Ég fann nefnilega fyrstu tönnina hans Kristjáns Ragnars líka og ekki vil ég mismuna þeim systkinum. Nú er ég í tannféshugleiðingum. Ekki það að ég er að mestu búin að ákveða tannféð en það kallar á pínu grúsk, pælingar, reddingar og gott ef ekki smá njósnir líka. 

Ekki má gleyma því að ég skulda honum Úlfari óskabarni sitt tannfé. Ég nefnilega fann líka fyrstu tönnina hans. Hef líka ákveðið hvert hans tannfé verður en er núna að gefa sjálfri mér tíma til að skipta um skoðun með það og velja eitthvað allt annað.

Uppskrift af því að finna fyrstu tönn í barni:

Í hvert sinn sem þið handleikið ótenntan krakka er um að gera að troða putta upp í vesalinginn og leita gaumgæfilega. Ef þið fáið minnsta grun um að eitthvað sé að finna, rífið þá fram næstu teskeið sem finnst á heimilinu og bankið duglega í góminn. Ef engin er tönnin, lánið þá barninu skeiðina en passið að það skaði sig ekki. Ef finnst tönn, heyrist glamur sem ómar líkt og bjölluhljómur og á barnið kemur sigri hrósandi gleðibros sem mun lifa með ykkur og ylja ykkur það sem þið eigið eftir ólifað

Í gær voru slétt 10 ár frá því að ég eignaðist hann Þórð minn. Það er ótrúlegt hvað tíminn flýgur áfram. Fyrir 10 árum var ég stödd í Búkarest í Rúmeníu og var upptekin við að dást að litla prinsinum mínum sem var eitthvað svo lítill og ósjálfbjarga. Í dag er hann öflugur fótboltastrákur og frábær í alla staði. Það er varla að ég trúi því að 10 ár séu liðin

Ég er komin í jólaskap. Búin að kaupa eina gjöf og ákveða flestar hinar. Hlakka til að skrifa jólakortin og er farin að hlusta á jólalögin af og til. Ætla að baka smákökur og selja í jólaþorpinu í Hafnarfirði helgina 12. - 13. desember. Endilega kíkið við og verslið af mér ilmandi gamaldags jólasmákökur. Atburðurinn verður nánar auglýstur síðar

... hefði átt afmæli í gær, hefði hann lifað. Synd hvað hann fór alltof snemma. Það er mikil eftirsjá eftir góðum og skemmtilegum kalli. Blessuð sé minning hans!

Ákaflega fallegt nafn á sérlega fallegu barni.
Kristján Ragnar, stóri bróðir, var einkar stoltur og ánægður með nafnið á litlu systur sinni. Hann sat hinn ánægðasti í fanginu á mér við skírnarathöfnina og ég hreint og beint heyrði hann hugsa "mikið agalega eru mamma og pabbi flink að velja nöfn á börnin sín." Það var sko rétt áður en hann skellti upp úr, benti á prestinn og hrópaði " hann sullar á hana" þegar presturinn jós barnið vatni.
Athöfnin var einstaklega falleg og skemmtileg og veislan á eftir eins og þær gerast bestar.
Takk fyrir okkur kæra fjölskylda og innilega til hamingju með skírnina og nafnið

Hæ hæ dömur mínar og herrar!

Frægasti maðurinn er að blogga og hann ætlar að segja ykkur brandara. Einu sinni var bolti og hann dýrkaði Sjálfstæðisflokkinn en hataði kreppu. Svo sprakk hann og hann var frægur bolti sem faðir hans hét  Michael Jackson og þeir dóu og þeir lifðu í meira að  segja 43 ár. En þeir voru alveg eins og nördar. Jæja, jæja, dömur mínar og herrar, ég get skrifað meira seinna.

Takk fyrir að  lesa og endilega commentið

Ég þyrfti að vera að gera svo ótal margt annað en að hanga í tölvunni. T.d. að mála herbergið hans Þórðar, fara með nokkra kassa niður í geymslu, setja í þvottavél, búa til sósu og sitthvað fleira. Hm, þetta er farið að líta út eins og "to do" listi. Kannski ég ætti að slökkva á tölvunni og gera eitthvað af þessu ..... neeeiii, ég blogga bara
Mig langar í hobbý. Það er eins og mig minni að ég hafi áður auglýst eftir hobbý hér á blogginu mínu en ekki fengið eina einustu nothæfa hugmynd hehe. Hobbýið verður náttúrulega að vera þægilegt og má helst ekki kosta neitt. Það þarf að vera þannig að ég hitti fólk en þurfi helst aldrei að hafa fyrir neinu sjálf. Það má ekki kalla á of mikla hreyfingu eða önnur óþægindi. Það þarf  líka að vera þannig að ég hvorki skaði fólk né móðgi ef ég skrópa í hobbýinu. Einhverjar hugmyndir... einhver???

... í sumarbústað! Hlakka hrikalega  til að eyða viku í sól og sumaryl fjarri borgarglaumi. Ætla að nota næstu vikuna í að lesa reyfara, púsla, prjóna, liggja í heita pottinum já og dedúa við krakkana mína. Sá í veðurfréttunum áðan að það spáir rjómablíðu. Kannski finnst þessa eina litafruma sem ég trúi að ég eigi einhvers staðar í fórum mínum. Meira síðar!!!

Á hvítasunnudag fyrir 30 árum fermdist ég. Daginn bar reyndar upp á 4. júní það árið. Það er spurning hvort maður geri sér ekki eitthvað til skemmtunar í tilefni dagsins. Kannski ég klæðist kyrtli og syngi sálma, hver veit hehe. Nei en svona í alvöru talað þá ætla ég að klæða mig í spariföt á sunnudaginn og fara í messu. Síðan er aldrei að vita nema ég renni vestur til Möggu eða Ellýjar í heimsókn. Í það minnsta ætla ég að gera mér dagamun þennan hvítasunnudag og hvet þá sem lesa þetta að gera slíkt hið sama. Ef ykkur finnst ekki tilefni til þess, þá er hægt að gera það mér til heiðurs!

Lifið heil og eigið gleðilega hvítasunnu.

Af tilefni veðurblíðu og sólaryls hef ég gert bloggsíðuna ögn sumarlegri.

Gleðilegt sólarsumar!

Ég var nærri búin að gleyma að ég ætti bloggsíðu Hver veit nema ég bloggi bráðum. Full ástæða til þess nú þegar sumarið nálgast með blóm í haga. Verst ef það verða eintómir túnfíflar sem ég er með ofnæmi fyrir hehe.

....hún á afmæli í dag, hún á afmæl´ hún Inga,
hún á afmæli í dag!

...tölvan er nefnilega enn í viðgerð
En það gengur allt sinn vanagang hjá okkur familíunni. Það styttist í fermingardaginn og undirbúningur á fullu. Hún Ragnhildur mín verður fallegasta og fullkomnasta fermingarbarn sem heimurinn hefur augum litið
Annars er bara allt í þessum venjulega gangi. Fótboltamótin að fara af stað. Kappinn mun spila í Mosó þann 22. mars og í Egilshöllinni 29. mars. Svo er Shellmótið í Eyjum náttúrulega yfirvofandi, þannig að ef einhver vill kaupa af Þórði klósettpappír eða bílahreinsivörur þá endilega kommentið um það hér. Hugsanlega munu Framarar líka selja fisk og harðfisk til fjáröflunar þannig að úrvalið verður gríðarlegt
Ragnhildur mun keppa á Íslandsmótinu í Taekwondo þann 22. mars (ég þarf greinilega að skipta mér í tvennt þann daginn). Mótið verður haldið á Selfossi og það er æft grimmt. Ragnhildur er stórkostlega marin á öðru handarbakinu og hnúunum eftir að hafa barið í gegnum viðarplötu, bólgin á rist eftir að hafa sparkað í hné á mótherja á æfingu og fleira og fleira. Hún reynir að tjasla þessu eitthvað saman á milli æfinga og setur svo bara í herðarnar og hamast á æfingum eins og mest hún má þessi snillingur.
Litlu gullmolarnir mínir þeir Kristján Ragnar og Úlfar óskabarn eru sem fyrr hreint yndislegir. Úlfar er búinn að læra að þakka fyrir sig og gerir það í tíma og ótíma. Kristján Ragnar er mjög upptekinn af því að heilsa og kveðja og gerir það óspart. Hann meira að segja rak mig út einn daginn, en það var nú ekki til að kveðja mig heldur langaði hann sjálfan út. Og hvað gerir maður þá... nú segir bara við gestinn "bæ, bæ, bess"